In le curso del septimana passate, Gab ha essite displatteformate per un de nostre bancas, per un interprisa con le qual nos esseva laborante pro trovar nove hardware de servitores, per le software de un tertie partito pro le analyse de infrastructura, e mesmo per nostre proprie contabile.
Isto es nihil nove pro nos. Nos ha essite displatteformate per plus de 25 fornitores includente ambe app stores (Apple e Google Play), Paypal, dozenas de processores de pagamento, fornitores de hosting, servicios de currero electronic, e plus.
Quando isto eveni, io gaude e lauda Deo proque io sape que ille labora pro separar le frumento del vannatura. Iste displatteformamento inevitabilemente reforma Gab a in un communitate, interprisa, e platteforma ancora plus resiliente. Nos non simplemente resta disoccupate, lamentante a causa de iste cosas, nos immediatemente nos mitte al labor.
Nos non es victimas, nos es constructores.
Personalmente io non crede que le commun dicto christian “esser in le mundo, sed non del mundo” significa dar al inimico nostre pecunia, tempore, e datos. Isto debe cessar immediatemente.
Iohannes 15.19
Si vos esseva del mundo, le mundo vos amarea como su proprie; sed proque vos non es del mundo, sed io vos eligeva ex le mundo, a causa de isto le mundo vos odia.
Io es in processo de facer un transition de cata parte de mi expensas financiari pro appoiar interprisas christian, companias mediatic christian, creatores christian de contento, e homines christian.
Io ha finite de donar mi pecunia al Inimico e financiar le destruction de nostre pais e valores. Io incoragia omnes a facer le mesme cosa. Si illes non servi Deo, illes servi Satan, e io simplemente non va financiar ille activitate.
Examina profundemente le interprisas, marcas, e companias mediatic que vos presentemente supporta, o financiarimente o per vostre tempore. Si illos practica iste ineptias de signalamento de virtute e theoria critic, o si illos es le proprietate de demones, vos deberea immediatemente cessar de pagar los e cessar de usar lor servicios.
Al tempore presente, nos ha nulle altere alternativa que “construer su proprie” toto. Isto comencia per supportar illes qui jam parti nostre valores e construe super illos. Il non jam se tracta de simplemente construer su proprie platteformas de retes social, il se tracta nunc de construer nostre proprie economia christian. Un economia sin le cultura de cancellation, que non imbracia le religion demoniac e sectari del theoria critic.
Le theoria critic (marxismo cultural, le culto del justitia social, etc.) es un subversion fraudulente, insipide, e pathetic de sincer Christianos, ecclesias, e valores christian in general.
Illo esca homines decente e timente Deo a in le practica de un pseudo-religion false e demoniac concipite pro accelerar lor cadita spiritual e litteral. Illo preda le mentes malleabile de nostre juvenes. Illo subjuga illes qui practica lo e cerca a destruer illes qui non lo face.
Illo es un evangelio demoniac de imitation e certemente non le evangelio de Jesus Christo. Tote Christiano debe derider, evitar, e reprobar lo. Il non es le tempore de somnambular trans le historia concernente iste subjecto. Nos debe cognoscer le false evangelio del inimicos melio que illes ipse lo cognosce, a que nos pote ducer alteres ab illo verso le evangelio de Jesus Christo.
Parla a vostre filios re iste cosas. Face lor scholarisation a domo, si del toto possibile. Seca le cablo de television. Dele le applicationes del Big Tech de lor telephonos e del vostre. Nos ha multe labor a facer, sed memora que nos ha le Creator del Universo a nostre latere. Per ille omne cosas es possibile.
Io parlava re alicunes de iste cosas con un amica iste matino, e illa utilisava un termino que esseva multo significative pro me: “le secession silente”. Al presente momento iste secession es principalmente digital e economic, non geographic, sed forsan isto cambiara a alicun tempore in le futuro. Ego quidem totalmente appoia le Terra de Jesus (Jesusland).
Le Statos Unite es un nation christian. Le fundation del civilisation occidental es construite super le christianismo e plus particularmente super le firme fundation de Jesus Christo. Si tosto que isto cambiava, le destruction comenciava.
Nostre “beneficentia” e “tolerantia” christian ha essite le carburante de nostre proprie destruction e ha devenite un arma contra nos. Le tolerantia non es un virtute christian. Nos ha essite commandate de odiar lo que es mal (Psalmo 97.10, Romanos 12.9), non financiar lo e donar nostre tempore a lo.
Nos ha naivemente credite que le paganos e alteres non occiderea nos si tosto que illes accederea al poter, como nos vide in plen vista durante le passate decennios. Lection apprendite. Il esseva difficile de apprender lo, sed illo ha essite apprendite multe vices a transverso le historia.
1 Johannes 2.15
Non va amar le mundo ni le cosas in le mundo. Si alicuno ama le mundo, le amor del Patre non es in ille.
Il es le tempore de comenciar de adherer a iste standard biblic.
Andrew Torba
CEO, Gab.com
Le 1e de februario 2021
Jesus es Rege
Fonte: https://news.gab.com/2021/02/01/the-silent-christian-secession/
Le blog de Daniel Onesra 