Per Mathieu Bock-Côté
Iste nova colpava durmente, e plures credeva bon applauder: Donald Trump ha essite expellite de Twitter. Le personage grossier se faceva expellite foras del imperio numeric que se impone hodie qua un spatio public planetari.
Sed iste expulsion deberea nos inquietar, comocunque on reputa le homine expellite.
Isto es un immense potentia que es assi concedite al interprisas numeric, que se dona le derecto decider qui pote participar al debatto public e qui debe esser excludite de illo, quasi illes habeva un function de regulatores ideologic mundial.
Qui essera le sequente? Si il es necesse nettar le retes social del opiniones incommode per le bannimento de istes qui les avantia, isto es un purga a que nos assistera.
Que nos imagina: que evenira si deman un partita que le medias qualifica como «populista» se approxima al poter in Europa occidental o etiam gania le electiones? Essera le industrias numeric tentate limitar su libertate de expression?
Si illes habeva tal potentia in 2016, haberea le imperios numeric expellite de lor retes social le partisanos del Brexit?
On sape quando le censura comencia, nunquam quando illo cessa.
Cetero, le dirigentes de China, Turchia, et Iran ancora dispone de lor contos Twitter. Debe on comprehender que illes es minus periculose que le presidente cadite de Washington?
Twitter e Facebook representa hodie le imperios numeric que sali super le statos e exerce super illos un soveranitate potentialmente tyrannic. On videra assi un caption del poter que non dice su nomine, e infelicemente incensate per illes qui considera lo un prisa de responsabilitate civic.
Alteremente, in le Statos Unite, on haberea debite cassar le trusts. Tosto o tarde, nostre societates debera dismantellar le imperios numeric. Le democratia lo require.
Fonte: https://www.journaldequebec.com/2021/01/12/trump-banni-de-twitter-cest-inquietant
Le blog de Daniel Onesra 