Halto al vaccination massive

Dr. Geert Vanden Bossche

(Per Vincent Verschoore)

Le virologo Geert Vanden Bossche scribeva un littera aperte al Organisation Mundial del Sanitate demandante le cessation del vaccination massive contra le Covid-19, sinon nos nos trovara sin protection contra mutantes salvage.

Dr. Vanden Bossche es un virologo belge, un pro-vaccino habente laborate con le association GAVI (un regruppamento del Big Pharma in le sino del OMS) e le Fundation Bill Gates. Ille es le autor de un littera aperte al OMS publicate le 12 de martio 2021 intitulate: «Cessa immediatemente le vaccination massive contra le Covid-19» (1). Io controlava, illo non es un burla. Io vos propone un summario del littera pro explicar le position de Dr. Vanden Bossche, le ‘proque’ de un tal demanda, o mesmo supplica, del parte de un homine de grande experientia qui ha nulle ligamine con le movimento sceptic o anti-vaccinal.

Le risco de un catastrophe major.

Su parolas non es isolate, in le senso que le advertimentos contra le possibile effectos perverse de un tal vaccination contra un virus multo mutante ha jam essite publicate per, inter alteres, le academia francese de medicina (2), sed il se tractava tunc de prevenir contra le tentation de extender le mora inter le duo doses del vaccino Pfizer, lo que faceva currer le periculo de dar al virus le tempore de se adaptar. Le littera de Dr. Vanden Bossche va multo plus longe, le crito de alarma es sin equivoco:

Le presente situation, extrememente critic, me fortia a diffunder iste appello de urgentia. Pois que le grado sin precedentia de intervention human in le pandemia de Covid-19 presenta nunc le risco de causar un catastrophe global sin par, iste appello non pote resonar satis fortemente e firmemente.

Le vaccinologos, le scientistas, e le clinicos es cecate per le effectos positive a breve termino del vaccinos individual, sed non pare se preoccupar del consequentias disastrose pro le sanitate mundial. A minus que on me prova scientificamente que io ha torto, il es difficile comprender como le interventiones human actual impedira le variantes in circulation de se transformar in un monstro salvage.

Le escappamento immunitari.

Le corde del argumento de Dr. Vanden Bossche es simple, e pote se resumer in duo parolas: escappamento immunitari (immune escape). Le principio, detaliate in le secunde parte de su littera al OMS, es essentialmente le sequente: le vaccination massive induce un competition inter le anticorpores specific apportate per le vaccino, generalmente efficace a breve termino contra le virus, e nostre protection natural contra le virus, nam le anticorpores specific ligate al vaccinos es plus efficace.

Al scala de un pandemia, con multe infectiones e possibile variantes, le pression vaccinal pulsa le virus a mutar se e a trovar «solutiones» que lo rende immunisate contra le anticorpores specific ligate al vaccinos. Quando se ha disveloppate iste variante resistente, non solmente le anticorpores vaccinal deveni inefficace, sed un vice que nostre systema natural intertanto se ha «disinteressate» del cosa, illo se trova de novo sol contra le mutante, e ille es pauco «trainate» contra un adversario super-trainate.

Consequentias: le numero de personas con un immunitate natural debilitate va augmentar, e disveloppar formas plus grave del maladia. Iste situation es etiam aggravate per duo factores: de un latere, le mesuras de distantia, le barrieras del confinamentos, reduce le occasiones «de trainamento» pro nostre systema immunitari natural. Del altere latere, le vaccination massive del vetules augmenta le pression super le altere gruppos de etates.

Error fatal: le debilitation de nostre protection immunitari natural.

Per vaccinar le alto del pyramide del etates, tote le pression se concentra super le plus juvenes, istes ipse cuje immunitate natural le majoritate del statos se effortia a reducer per lor incarceration, privante les le plus possibile de tote interaction, les deprimente psychologicamente e immunitarimente per le manco de «trainamento» de lor systema natural.

Al mesme tempore, le vaccinos deveni minus e minus efficace a causa del variantes, e le gruppos de etates vaccinate redeveni vulnerabile depost le apparition de mutantes resistente. Isto es le comenciamento de un catastrophe sanitari mundial, lo que Dr. Vanden Bossche vole evitar per informar le OMS e le population de iste scenario probabile.

Un nove strategia vaccinal basate super le cellulas NK.

Le solution proponite per Dr. Vanden Bossche es facer un campania de vaccination que non esserea basate super le creation de anticorpores specific al virus (e super toto cessar de vaccinar de iste maniera), sed basate super le cellulas NK (Natural Killer), presentate assi:

Le cellulas natural killer (NK) es lymphocytos del systema immunitari innate capace de occider cellulas tumoral e cellulas infectate. Le cellulas NK etiam secreta cytokinas que participa in le orientation del responsa immunitari adaptive. In le curso del ultime annos, multe studios ha demonstrate que le reactivitate del cellulas NK es multo plus «plastic» que on pensava. Le reactivitate del cellulas NK es regulate per lor micro-ambiente e depende de lor tempore de exposition a iste ambiente. (3)

In vice de vaccinar con le productos actual, que transforma le patientes in portatores asymptomatic, i.e. non malade sed infectiose, un vaccination orientate verso le cellulas NK permitterea augmentar nostre immunitate natural e nos ducerea a iste famose immunitate de gruppo (herd immunity), le sol option durabile pro le defensa contra iste genere de virus, que isto place o non al establimento medical globalmente inepte e corrumpite (commentario del autor, non del Dr. Vanden Bossche).

Ante toto, nutrir nostre systema immunitari natural.

Isto es le summario que io ha facite del littera inviate al OMS. Le texto integral se trova al ligamine ci-infra. Ab isto io formula duo conclusiones: Primemente, le dictatura sanitari basate super le incarceration massive, le distantiation physic applicate a totes, le masca pro le infantes al schola, le clausura del locos de vita dicite «non essential» que permitte totevia nostre systemas immunitari reinfortiar se, restara sin dubita in le historia como un del pejor politicas unquam implementate. Le responsabiles merita nihil altere que un processo de Nuremberg pro crimines contra le humanitate. De plus, si lo que dice Dr. Vanden Bossche es ver, nos debe refusar tote vaccination secundo le protocollos actual, e laborar intensemente a nutrir, e pro multes a reconstruer, nostre protection immunitari natural.

In un parola: viver.

(1) https://fos-sa.org/2021/03/12/open-letter-to-the-who-immediately-halt-all-covid-19-mass-vaccinations-geert-vanden-bossche-dmv-phd

(2) https://www.academie-medecine.fr/communique-de-lacademie-elargir-le-delai-entre-les-deux-injections-de-vaccin-contre-la-covid-19-quels-risques-pour-quels-avantages/

(3) https://www.medecinesciences.org/en/articles/medsci/full_html/2013/05/medsci2013294p389/medsci2013294p389.html

Articulo original: https://www.agoravox.fr/actualites/sante/article/covid-19-halte-a-la-vaccination-de-231679

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Create your website with WordPress.com
Get started
%d bloggers like this: