Le Declaration de Great Barrington

Le Declaration de Great Barrington – Como epidemiologos specialisate in maladias infectiose e scientistas de sanitate public, nos ha preoccupationes grave concernente le damnose impactos physic e mental del politicas predominante de COVID-19 super le sanitate, e nos recommenda un approche que nos appella le Protection Focalisate.

Veniente del sinistra e del dextera, e circa le mundo, nos ha devotate nostre carrieras al protection de homines. Le politicas actual de confinamento produce effectos devastante super le sanitate public a breve e longe termino. Le resultatos (pro nominar alicunes) include taxas plus basse de vaccination infantil, pejor consequentias de maladias cardiovascular, minus detectiones de cancero e le deterioration del sanitate mental – ducente a un plus alte taxa de supermortalitate durante le sequente annos, durante que le classe obrer e le plus juvene membros del societate porta le fardello le plus pesante. Excluder le scholares del schola es un injustitia grave.

Conservar iste mesuras usque un vaccino essera disponibile causara damnos irreparabile, e le minus privilegiatos suffrera damnos disproportionatemente.

Fortunatemente, nostre comprension del virus se meliora. Nos sape que le vulnerabilitate facie al morte a causa de COVID-19 es plus quam mille vices plus alte pro le vetules e infirmes que pro le juvenes. In effecto, pro infantes, COVID-19 es minus periculose que multe altere damnos, includente influenza.

Durante que le immunitate in le population se augmenta, le risco de infection pro omnes – incluse le vulnerabiles – cade. Nos sape que omne populationes inevitabilemente attingera le immunitate collective – i.e. le puncto al qual le taxa de nove infectiones es stabile – e que isto pote esser adjuvate per (sed non es dependente de) un vaccino. Dunque nostre scopo deberea esser minimisar le mortalitate e le damnos social usque nos attinge le immunitate collective.

Le approche le plus misericorde, que equilibra le riscos e le beneficios de attinger le immunitate collective, es permitter tote istes qui presenta un risca minimal de morte viver lor vitas normalmente pro augmentar le immunitate al virus per infection natural, e al mesme tempore proteger melio illes qui presenta un plus grande risco. Nos appella isto le Protection Focalisate.

Adoptar mesuras de protection del vulnerabiles deberea esser le scopo central del responsas de sanitate public al COVID-19. Per exemplo, establimentos pro vetules e debiles deberea haber empleatos qui ha acquirite le immunitate e frequentemente testar altere empleatos e visitatores. Le rotation del empleatos deberea esser minimisate. Homines retirate vivente a domo deberea se facer livrar lor nutrimentos e altere cosas necessari. Quando possibile, illes deberea incontrar membros familial al exterior in vice de al interior. Un lista comprehensive, includente approches pro habitationes multi-generational, pote esser implementate, e se situa facilemente al interior del scopo e capabilitate del professionales de sanitate public.

On deberea permitter a istes qui non es vulnerabile de recomenciar lor vita normal. Simple mesuras de hygiene, como lavar le manos e restar a domo quando on es malade, deberea esser prendite per totes pro reducer le limine del immunitate collective. Scholas e universitates deberea esser aperte pro inseniamento in presentia. Activitates extra-scholar, como sports, deberea recomenciar. Juvene adultos a basse risco deberea laborar normalmente in vice de laborar a domo. Restaurantes e altere interprisas deberea se aperir. Homines qui presenta un plus alte risca pote participar si illes vole, durante que tote le societate gaude del protection conferite super le vulnerabiles per istes qui ha augmentate le immunitate collective.

Le 4e de octobre 2020, iste declaration esseva componite e subscribite a Great Barrigton, Statos Unite, per:

One thought on “Le Declaration de Great Barrington

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Create your website with WordPress.com
Get started
%d bloggers like this: