(Per Patrick Delaney)
Postquam un gruppo de medicos independente concludeva que vaccinos experimental de COVID-19 non es «plus secur» que le virus mesme, un nove analyse del taxas de mortalitate ligate al vaccinos in Israel indica que le nivellos de mortalitate poterea esser dramaticamente alte.
Un re-analyse del datos del le Ministerio del Sanitate israelian per Dr. Hervé Seligmann, un membro del facultate de Medicina pro Emergente Maladias Infectiose e Tropical al Universitate Aix-Marseille, e per le ingeniero Haim Yativ revela, in breve, que le vaccino mRNA experimental de Pfizer occideva «approximativemente 40 vices plus homines (vetule) quam le maladia ipse haberea occidite» durante un recente periodo de vaccination de cinque septimanas. Inter le classe plus juvene, iste numeros se multiplica usque un taxa de 260 vices plus de mortos que le mortalitate del virus COVID-19 durante le mesme periodo.
Como on pote vider in le plen analyse del articulo ipse, le autores demonstra que «inter le vaccinatos cuje etate es plus que 65 annos, 0,2 pro cento … moriva durante le periodo de tres septimanas inter le duo doses, dunque approximativemente 200 ex 100.000 vaccinatos. Isto es in comparation con 4,91 mortos ex 100.000 sin vaccination a causa de COVID-19».
«Iste scenario terribile anque se extende a illes cuje etate es minus que 65», continuava le recercatores. Durante le processo de vaccination de cinque septimanas, «0,05 pro cento, illo es 50 ex 100.000 homines, moriva. Isto es in comparation con 0,19 mortos pro 100.000 a causa de COVID-19 sin vaccination … Ergo le taxa de mortalitate pro iste gruppo se multiplicava 260 vices durante iste periodo de cinque septimanas del processo de vaccination, comparativemente con le taxa natural de mortalitate de COVID-19».
Como reportate per IsraelNationalNews (INN), Seligmann ha le nationalitates israelian e luxemburgese, ha un grado del Universitate Hebree de Jerusalem, e ha scribite plus que 100 publicationes scientific. INN reporta que le recercatores «ha nulle conflictos de interesse altere que haber infantes in Israel».
Yatif e Seligmann precisa que mesmo iste «estimation del numeros de mortalitate a causa del vaccino es probabilemente multo plus basse que le numeros real, nam illo explica solmente los definite como mortos del COVID-19 durante iste breve periodo, ma non include arrestos vascular-cardiac (AVC), eventos cardiac e altere eventos resultante de reactiones inflammatori».
De plus, iste numeros non «explica le complicationes a longe termino», illes scribe.
In addition, intra plure menses illes expecta «effectos adverse a medie e longe termino a causa del vaccination quando le Amelioration dependente del anticorpores (Antibody-dependent Enhancement – ADE)» comenciara se manifestar in istes qui ha recipite le vaccino experimental de Pfizer.
Como explicate per le Medicos de Prime Linea (America’s Frontline Doctors — AFLDS), le Amelioration dependente del anticorpores «eveni quando le anticorpores anti-COVID, create per un vaccino, in vice de proteger un persona, causa un maladia plus sever o letal quando le persona es exponite plus tarde al SARS-CoV-2 in le vita ordinari. Le vaccino amplifica, in vice de impedir, le damnos.
Le AFLDS mentiona como exemplo un vaccino producite pro luctar contra le febre Dengue, que causava le morte de 600 infantes in le Philippinas a causa del Amelioration dependente del anticorpores, e motivava le prosecution criminal del implicatos in 2019.
Pro iste rationes e alteres, le AFLDS e multe altere medicos discoragia fortemente le uso de iste vaccinos experimental pro le majoritate del homines e recognosce solmente que illos pote esser plausibile pro illes cuje etate es supra 70 annos, precisante tamen que tal injectiones es «un plus alte risco quam un tractamento precoce o prophylactic per medicationes establite».
Considerante iste taxas de mortalitate, Yativ e Seligmann anque criticava acerbemente le pression sever ponite super le population per le autoritates israelian pro acceptar iste injectiones. Secundo INN, le recercatores appella iste effortios draconian «un nove Holocausto».
Durante le septimanas passate, le governamento israelian faceva sensation per instaurar un systema de «passe verde» pro permitter istes qui ha essite injectate per le vaccino de reciper un codice verde que concede les le derecto de entrar in tal placias como locos de intertenimento e de otio.
Durante que le pais se reaperi post un confinamento de duo menses, le passe verde essera date solmente a illes qui ha essite injectate, non a istes qui habeva un resultato negative del virus. Le beneficios attendite include le accesso al botecas non essential, non esser obligate de isolar se mesme si on ha essite in contacto proxime con un caso de COVID-19, e non esser obligate de se isolar post retornar ex un loco appellate per le governamento «un loco rubie».
Ben que il ha nulle prova que iste vaccinos experimental realmente preveni le transmission del virus, le ministro israelian del sanitate, Yuli Edelstein, diceva, al instauration del «passaporto» de vaccination, que «esser vaccinate es un deber moral. Isto es un parte de nostre responsabilitate mutual». Ille continuava dicente: «Quicunque non essera vaccinate, essera lassate retro».
Le passe verde debe esser renovate cata sex menses, e mesmo si on ha le passaporto, on debe ancora observar le regulas concernente le masca e le distantiation physic. Le Jerusalem Post anque reportava que il ha legislation in consideration pro accordar al empleatores le derecto de refusar le entrata de homines non-vaccinate in le loco de travalio.
Tal mesuras incitava le revista Business Insider a dicer que le pais «face guerra contra le non-vaccinatos». Intertanto, Dr. Anthony Fauci, chef consiliero al presidente Joe Biden, ha describite le responsa de vaccination de Israel como «extraordinarimente bon».
Le blog de Daniel Onesra 